Erjon Bogdani: Po, më kërkon Çezena 21.07.10

Admin

Erjon Bogdani konsiderohet si përforcimi ideal për Çezenën në objektivin e saj madhor për një rikthim në Serinë A.

Lajmin e dha gazeta sportive “Corriere dello Sport”. Lajmi është konfirmuar edhe nga ish-sulmuesi i Kievos, i cili është në pritje të emrit të skuadrës së re: “Nëse duhet të jem i sinqertë, ka pasur kontakte. Menaxheri im më ka thënë se ka folur me Çezenën.

Për momentin nuk di më shumë. Te Çezena është trajneri Fikadenti i cili më ka stërvitur te Verona dhe me të kam një marrëdhënie shumë të mirë. Të shikojmë çdo të ndodhë më vonë. Menaxheri im më ka bërë të ditur kontaktet edhe me disa klube të tjera. Për momentin jam në pritje dhe nuk di asgjë më shumë. Të shikojmë çdo të ndodhë në ditët e ardhshme”. 33-vjeçari me më shumë se 10 vjet eksperiencë në futbollin italian, shikohet si sulmuesi me karakteristikat e duhura për Çezenën.

Simply The Best WwW.Interistat.Com