Java e 24-të në Serie A ishte kthesë e gjithë sezonit
futbollistik në Apenine, pasi që mund të konstatojmë edhe zyrtarisht se
është rihapur lufta për titull të kampionit.Milani ashtu siç
është pritur me 15 lojtarë të lënduar nuk arriti të nxjerrë asgjë më
shumë se një pikë nga Marassi te Genoa, në një ndeshje të dominuar nga
ashpërsia e vendasve. Napoli nga ana tjetër shfrytëzoi rastin dhe shënoi
fitore, duke iu afruar edhe më shumë Milanit në renditje.
Kur flasim për liderin, atëherë mendja na shkon menjëherë te Interi, i
cili për herë të parë pas gjashtë vitesh gjendet në pozitë për ta
humbur Scudetton. Sidoqoftë, kjo nuk ekziston në fjalorin Nerazzur, pasi
Interi i tregoi Romës se ajo dhe futbolli janë shumë larg njëra tjetrës
në një ndeshje ku u shënuan as më pak e as më shumë se tetë gola.
Formacioni më i mirë i javës së 24-të në Serie A:
Portier: Julio Cesar (Inter)
Mbrojtësit: Christian Maggio (Napoli), Thiago Silva (Milan), Daniele Portanova (Bologna).
Mesfushorët: Thiago Motta (Inter), Juraj Kucka (Genoa), Javier Pastore (Palermo), Wesley Sneijder (Inter).
Sulmuesit: Antonio Di Natale (Udinese), Alessandro Matri (Juventus), Samuel Eto’o (Inter).


Julio Cesar
Maggio – Thiago Silva – Portanova
Kucka - Thiago Motta - Sneijder
Pastore
Di Natale – Matri – Eto’o


Vlen të përmenden:
Alexis Sanchez (Udinese)
Emanuele Belardi (Udinese)
Alessandro Diamanti (Brescia)
Alexandre Pato (Milan)
Antonio Floro Flores (Genoa)
Abdoulay Konko (Genoa)
Guillermo Giacomazzi (Lecce)
Josip Ilicic (Palermo)
Luis Jimenez (Cesena)
Esteban Cambiasso (Inter)
Javier Zanetti (Inter)
Mirko Vucinic (Roma)