Titulli: Ranieri i ngazëllyer me paraqitjen e Romës Fri 28 Jan - 17:50
Claudio Ranieri është tepër i kënaqur me paraqitjen e ekipit të tij në fitoren 2-0 ndaj Juventusit në çerekfinalen e Kupës së Italisë që u zhvillua mbrëmë në Olimpiko të Torinos.
“Në dhomën e veshjeve unë i kam lavdëruar lojtarët për mundin e tyre këtë mbrëmje. Ne kemi dhënë shumë në ndeshje, edhe pse pa shumë fansa tonë që na mbështesin. Ne luajtëm mirë, shënuam dy gola dhe nuk pranuam asnjë”. “Jam shumë i kënaqur. Në këtë moment kemi një ekip të fuqishëm dhe shikojmë të përmirësohemi, veçanërisht në ndeshjet në udhëtim”, ka thënë Ranieri për Corriere Dello Sport. Ranieri po ashtu është pajtuar me vendimin e arbitrin për të mos akorduar një penalti të vonshme për Alessandro Del Piero. “Për mua nuk ishte penalti. Alex u mbështet në Mexes dhe pastaj ra”, ka komentuar më tej Ranieri.
