Erjon Bogdani (55’) çon në krye të Serisë A skuadrën e tij Cezenën. Një gol i rëndë me vlerë tri pikë në fitoren minimale të romanjolëve kundër Leçes në javën e tretë të të kampionatit italian.Për sulmuesin shqiptar ky ishte goli i dytë rresht pas atij në fitoren madhështore kundër Milanit (2-0) dhe të mëndosh se gjatë gjithë sezonit të kaluar Bogdani shënoi vetëm dy gola me fanellën e Kievos.
Erjoni u zëvendësua në minutën e 68-të, i përcjellë nga duartrokitje frenetike të tifozerisë në “Manuzzi”.
Të dyja skuadrat e mbyllën takimin me nga dhjetë lojtarë: Koluci për Cezenën dhe Munari për Leçen.
Pas tri javësh, me dy fitore dhe një barazim (kundër Romës), Cezena ka 7 pikë, po aq sa kampioni i Italisë, Interi.
