Titulli: Klose dëshiron të shënojë kundër Werderit Sat 11 Sep - 13:11
Miroslav Klose shpreson përfundimisht të gjejë rrjetën dhe t’i japë fund mungesës së shënimeve për tre sezone kundër Werder Bremenit, kur Bayerni pret ish-klubin e tij në Allianz Arena sot.
Ish-lojtari i Bremenit dëshiron ta vazhdojë formën e tij me kombëtaren ku shënoi tre herë për Gjermaninë gjatë javës së kaluar.
Bremeni do të dalë në fushë pa mbrojtësit kyç, Per Mertesacker dhe Naldo, të cilët që të dy janë të lënduar, që do të thotë se Mikael Silvestre do të bëjë debutimin e tij në Bundesliga.
“Kjo nuk do ta bëjë ndeshjen më të lehtë, më besoni. E njoh trajnerin Thomas Schaaf dhe ai gjithmonë ka dikë që nxjerr nga kapela. Është kohë e mirë për të shënuar kundër Werderit”, ka thënë 32-vjeçari.
