Titulli: Hleb: Pendohem që u largova nga Arsenali Sat 11 Sep - 13:07
Transferimi i Birmingham Cityt, Aliaksandar Hleb, ka pranuar se ai pendohet që u largua nga Arsenali për të shkuar te Barcelona para dy vitesh.
“Unë isha shumë i lumtur te Arsenali. Birminghami nuk është i njëjtë si Arsenali, por unë dua ta shfrytëzoj këtë rast. Është shumë profesionale puna këtu, por te Arsenali është gjithçka e re dhe më mirë në qendrën stërvitore, plus ata luajnë në Ligën e Kampionëve”.
“Unë jam penduar që u largova nga Arsenali. Jo shumë lojtarë mund t’i thonë ‘jo’ Barcelonës. Por, po ta dija më parë se çfarë do të ndodhte, atëherë kurrë nuk do të shkoja atje. Unë isha i pakënaqur. Nuk luajta shumë. Unë e humba formën dhe vetëbesimin”, ka thënë Hleb.
