Titulli: Pato nuk ka frikë nga Robinho dhe Ibra Sat 4 Sep - 20:28
Sulmuesi brazilian Alexandre Pato thotë se ai mezi pret të luajë në krah me Robinho dhe Zlatan Ibrahimovic.
Rosonerët kanë përforcuar radhët e veta pasi transferuan dy yje në ditët e fundit të afatit kalimtar dhe tash synojnë të garojnë me Interin si në Itali po ashtu edhe në garën Evropiane.
“Ne do të jemi një ekip i shkëlqyeshëm. Jam i sigurt se gjithçka do të funksionojë në mënyrë të përkryer. Ne jemi vërtet ambicioz dhe duam t’ia dalim mirë në Serie A dhe Ligën e Kampionëve”.
“Nuk kam frikë nga konkurrenca. Për mua kjo nuk është problem aspak. Në fakt, kjo do të na ndihmojë të japim më të mirën. Jam i ngazëllyer që Robinho na është bashkuar. Ende nuk kam folur me të, por jam i sigurt se ai do të japë 100 për qind për Milanin”, ka thënë Pato.
