Sensi: Roma është ende e interesuar për Behramin

Co-Admin

Anësori i West Ham United, Valon Behrami, vazhdon të jetë cak i Romës, pavarësisht se klubi italian dështoi të transferojë kosovarin në afatin kalimtar veror.

Roma ishte afër të nënshkruajë me lojtarin e kombëtares së Zvicrës, por nuk arriti t’i plotësojë kërkesat e klubit anglez. Megjithatë presidentja e klubit, Rosella Sensi, thotë se klubi italian vazhdon të jetë e interesuar për shqiptarin.

“Behrami është një lojtar i rëndësishëm. Ne e deshëm atë, por fatkeqësisht marrëveshja nuk mundi të arrihet. Ne duhej ta ruajmë ekuilibrin. Nuk e di nëse do të nënshkruajmë me të ose jo, por kurrë mos thuaj kurrë”, ka thënë Sensi.

Së fundi edhe vetë Behrami shprehu zhgënjimin e tij me dështimin për t’u rikthyer në kryeqytetin italian, ku ai kishte luajtur edhe më herët, por për rivalin e Romës, Lazion

Thanks GOD

I'm ALBANIAN